影片
更多
2023-03-13
23 浏览
最鍾意復古風既室内設計，最近上網見到旺角有一間新開復古舊式設計既扒房【吃扒】，所以就去試下。餐廳裝修真係非常復古，連燈光燈飾、臺凳都係。雖然餐廳主打鐵板，但係又唔會入到去覺得好重油煙味。全部扒類，包括鐵板都可以自由搭配薯菜、意粉或者飯，同有4款醬汁可選。
熱熔芝士紐西蘭牛柳：配薯菜黑椒汁，熱辣辣鐵板上，店員會當住你面加火焰cheese。食到最後、鐵板仲係好熱。牛柳要5成熟，但係可能鐵板上，所以都差不多全熟，但肉質都仲係好軟。略嫌調味有D鹹，所以再加cheese會偏鹹。但係醬汁調味都非常不錯，薯菜好好食。
20cm吉列豬扒（+$18配熱熔芝士）：配意粉蒜蓉汁。因爲真係好大塊，所以無得用鐵板上。自己鍾意食cheese，所以呢個都加左cheese。豬扒個炸皮好薄，好脆、裏面個肉好厚實但又完全唔會柴。個汁唔會太鹹，而且豬扒本身調味較淡，所以加cheese岩岩好。
各加$25配餐包括餐湯、餐包、甜品、飲品（特飲+$15）
青檸咸檸檬梳打：鹹鹹地又幾refreshing，因爲係無糖，所以好解渴。
Rosemary紅茶梳打：雖然都係標注無糖，但個底都係有少少。無咩Rosemary味，但係茶底加梳打好
熱熔芝士紐西蘭牛柳：配薯菜黑椒汁，熱辣辣鐵板上，店員會當住你面加火焰cheese。食到最後、鐵板仲係好熱。牛柳要5成熟，但係可能鐵板上，所以都差不多全熟，但肉質都仲係好軟。略嫌調味有D鹹，所以再加cheese會偏鹹。但係醬汁調味都非常不錯，薯菜好好食。
20cm吉列豬扒（+$18配熱熔芝士）：配意粉蒜蓉汁。因爲真係好大塊，所以無得用鐵板上。自己鍾意食cheese，所以呢個都加左cheese。豬扒個炸皮好薄，好脆、裏面個肉好厚實但又完全唔會柴。個汁唔會太鹹，而且豬扒本身調味較淡，所以加cheese岩岩好。
各加$25配餐包括餐湯、餐包、甜品、飲品（特飲+$15）
青檸咸檸檬梳打：鹹鹹地又幾refreshing，因爲係無糖，所以好解渴。Rosemary紅茶梳打：雖然都係標注無糖，但個底都係有少少。無咩Rosemary味，但係茶底加梳打好特別同refreshing。
真係好大份，而且CP值好高，服務又好，真心推薦。
张贴
