影片
更多
2020-10-23
581 浏览
今日同閨蜜慶生，我哋去左一個打卡熱點，懷舊嘅屋村 - 石硤尾南山村。逛嘅時候，同時發現咗呢間門面裝修得幾靚嘅餐廳，然後閨蜜就話不如去呢度食晚飯吧。呢度畀人嘅感覺好乾淨整齊，內裏環境都幾好，空間夠大之餘又坐得舒服。餐牌都幾多選擇，呢度係用點餐紙點餐，自己鍾意食乜就寫乜。我哋叫咗個沙律，小食，薄餅，燴飯，飲品同甜品。沙律係田園雜菜沙律配煙三文魚，黎到嘅時候就覺得好驚喜。沙律擺盤擺得好靚，煙三文魚又夠大塊。沙律菜新鮮爽口，呢度用咗黑醋嚟做醬汁，食落酸酸的，好開胃。小食就叫左黑松露薯條，份量都幾多，薯條係剛剛炸起，入口真係又香又脆，鹹鹹地，有黑松露味道，閨蜜就最喜歡點茄汁食，佢超鐘意。燴飯係香煎帆立貝墨魚汁燴飯，賣相幾好。帆立貝煎得剛好，不會過淋。呢個燴飯嘅墨魚汁濃度剛好，唔會傑撻撻，入口亦唔會太黏，黐住晒，鹹度剛好。燴飯軟硬適中，整體口感同味道都唔錯。Pizza係8寸巴馬火腿火箭菜，巴馬火腿鹹鹹香香，餅底食落口好香脆，好好食。飲品就叫咗凍檸茶同凍奶茶，兩杯都係少甜。味道正常，亦做到少甜效果。最後梗係唔少得甜品啦，甜品係70%可可撻。呢個撻好好食，70%嘅黑朱古力不太甜不太苦，質感同口感都幾好
呢度畀人嘅感覺好乾淨整齊，內裏環境都幾好，空間夠大之餘又坐得舒服。
餐牌都幾多選擇，呢度係用點餐紙點餐，自己鍾意食乜就寫乜。我哋叫咗個沙律，小食，薄餅，燴飯，飲品同甜品。
沙律係田園雜菜沙律配煙三文魚，黎到嘅時候就覺得好驚喜。沙律擺盤擺得好靚，煙三文魚又夠大塊。沙律菜新鮮爽口，呢度用咗黑醋嚟做醬汁，食落酸酸的，好開胃。
小食就叫左黑松露薯條，份量都幾多，薯條係剛剛炸起，入口真係又香又脆，鹹鹹地，有黑松露味道，閨蜜就最喜歡點茄汁食，佢超鐘意。
燴飯係香煎帆立貝墨魚汁燴飯，賣相幾好。帆立貝煎得剛好，不會過淋。呢個燴飯嘅墨魚汁濃度剛好，唔會傑撻撻，入口亦唔會太黏，黐住晒，鹹度剛好。燴飯軟硬適中，整體口感同味道都唔錯。
Pizza係8寸巴馬火腿火箭菜，巴馬火腿鹹鹹香香，餅底食落口好香脆，好好食。
飲品就叫咗凍檸茶同凍奶茶，兩杯都係少甜。味道正常，亦做到少甜效果。
最後梗係唔少得甜品啦，甜品係70%可可撻。呢個撻好好食，70%嘅黑朱古力不太甜不太苦，質感同口感都幾好，入口唔會散曬，食完真係滿足晒。
閨蜜同我都估唔到一條懷舊嘅屋邨，會有一間隱世嘅餐廳，平民價錢，環境同食物質素唔錯，下次黎呢度會再去。
张贴
