影片
更多
2018-06-06
303 浏览
難得一家人放假，一於去新開張嘅東海湊下熱鬧。咁橋原來佢推廣新菜式，係懷舊小菜，又有小食，一於試下佢。點咗幾個懷舊小食：懷舊千層峰$55呢個似上海菜肴肉，其實就係用豬耳一層疊一層肴製而成，然後打橫切，就會見到層次分明嘅千層峰。由於製作工序繁複，好少地方有得食，我都係第一次食，味道鹹鹹哋，凍食，有咬口。懷舊沙律明蝦角 (大點）蝦角炸得好脆，皮薄， 幾乎全部都係肉，好足料。裏面的蝦肉蝦滑打得非常爽口，開胃點心。古法金錢雞$88呢個小食真係未聽過，應該已經絕咗種。上面係雞肝，中間係肥豬肉，底部係中式包皮，串成一串，就是金錢雞，好有新鮮感！ 我哋鍾意食內臟同埋肥肉，所以呢個菜好啱我哋口味。雞肝非常香，肥肉鹵水製成，非常入味。我形容佢似係中式漢堡包呢！薑芽皮蛋酥(大點) 酥皮做得好鬆化，裏面有蓮蓉，混和皮蛋粒粒，食得出有薑汁味，好香！爸爸最鍾意食呢個，因為皮蛋酥就係佢細個嘅零食。另外仲點左懷舊小菜：懷舊蝦多士$60每塊三角形的多士，上面都有一隻蝦，賣相好靚。中間有蛋漿黏起蝦仁一起炸，非常爽脆，蝦仁新鮮爽口，多士外面炸得金黃色，裏面又唔係乾硬曬，仲有少少軟綿口感。最好點沙律醬食，冇咁乾。東海小炒皇$
點咗幾個懷舊小食：
懷舊千層峰$55
呢個似上海菜肴肉，其實就係用豬耳一層疊一層肴製而成，然後打橫切，就會見到層次分明嘅千層峰。由於製作工序繁複，好少地方有得食，我都係第一次食，味道鹹鹹哋，凍食，有咬口。
懷舊沙律明蝦角 (大點）
蝦角炸得好脆，皮薄， 幾乎全部都係肉，好足料。裏面的蝦肉蝦滑打得非常爽口，開胃點心。
古法金錢雞$88
呢個小食真係未聽過，應該已經絕咗種。上面係雞肝，中間係肥豬肉，底部係中式包皮，串成一串，就是金錢雞，好有新鮮感！ 我哋鍾意食內臟同埋肥肉，所以呢個菜好啱我哋口味。雞肝非常香，肥肉鹵水製成，非常入味。我形容佢似係中式漢堡包呢！
薑芽皮蛋酥(大點)
酥皮做得好鬆化，裏面有蓮蓉，混和皮蛋粒粒，食得出有薑汁味，好香！爸爸最鍾意食呢個，因為皮蛋酥就係佢細個嘅零食。
另外仲點左懷舊小菜：
懷舊蝦多士$60
每塊三角形的多士，上面都有一隻蝦，賣相好靚。
中間有蛋漿黏起蝦仁一起炸，非常爽脆，蝦仁新鮮爽口，多士外面炸得金黃色，裏面又唔係乾硬曬，仲有少少軟綿口感。最好點沙律醬食，冇咁乾。
東海小炒皇$88
小炒王就好多地方都有得食，但係未見過咁多材料炒嘅小炒王。無論蝦乾、銀魚仔、肉絲、腰果都非常多，連腰果一齊食非常香口，啲蝦乾都好靚好香呢！
蝦籽柚皮$128
呢個懷舊菜式真係第一次食，賣相似鮑魚菇，原來工序都非常繁複，所以近乎失傳。柚皮係要炸過，再用魚湯煮，煮完再用醬汁肴佢， 要煮到食落冇渣的，為之合格。 廚師煮得咁辛苦，梗係要㗳真啲味道。
又真係冇渣喎，入口即溶，又食得出有魚湯味，淋了蠔油芡汁又唔會太鹹， 灑上蝦子增加香味，齋菜來說，味道不錯。第一次食煮出來的柚皮，如果唔講我食完都唔知是柚皮，因為太快就在口中溶掉了。
大良蟹肉炒鮮奶$78
個個一睇呢度菜，以為係賽螃蟹，原來係大良蟹肉炒鮮奶，主角梗係鮮奶喇，炒到似蛋白咁滑，好香，但牛奶味淡淡的， 但有蟹肉加持，增添鮮味，味道清得嚟幾香。
沙拉骨 $58
冇諗過沙拉骨價錢咁親民， 把排骨切成細粒，平時食開的是一條過的排骨。走過油，外面脆脆的，但裏面還有肉汁，肉質爽，不會炸過龍，好香口，淋上沙律醬，又係一道香口小菜。
江南五繡 $68
食太多肉都要食啲菜平衡下。呢道齋菜我好鍾意食，因為有甜豆，爽口又甜，好清新；同埋蓮藕炒得爽，馬蹄增添甜味，木耳又再滑d同爽d, 仲有鮮百合粉粉的，又是另一種口感，菜類來說，口感很豐富，必食。
食得太多小食，其實主菜都唔使嗌咁多。不過一場嚟到，又真係想試下佢啲懷舊小菜。 整體來說，味道不錯，而且全部都是用心之作，而且用料十足，價錢都唔算好貴，再有家庭飯局的話，會再幫襯，因為兩老都喜歡懷舊菜式呢！
张贴
