貴記荳品 (已結業)

29/05/2005 14:00星期日的中午，坐無虛席，印象中未見過咁多幫趁。店子雖簡陋，但出品有質素之餘仲誠意可加。邊度睇得出佢有誠意？好簡單，睇個價錢咪一清二楚囉......$10一碗擔擔麵，$13一碗菜肉雲吞麵，$6一碟雙拼小食，$3一杯荳漿，還有很多飽點......擔擔麵以菜甫麻醬為主，可惜無指明之下上左碗唔辣，減左少少擔擔麵原有之風味。麵質普通但麻醬非常香，配合爽口菜甫粒一流。菜菜雲吞大大隻，皮略厚但餡料新鮮，豬紅豬皮都屬普通之作。黎呢度食麵，除了填肚外，還可以感受一下懷舊的氣氛，從待者的年紀及裝修環境，推算這店最少也有三十年之歷史。