荔香園冰室 (已結業)

行街經過呢間荔香園冰室，見到入面d裝修幾得意，就入咗去食喇。入面既裝修全部都係70、80年代的設計，好多舊電影海報，又有熱水壺呢d家傅戶曉擺設，真係好似返番去舊時。待應話佢地既咖喱焗飯好出名，於是就嗌咗一個王牌焗雞扒飯。一上枱熱速速，聞到好香。D汁好濃，仲有好多芝士係上面，食落口味道勁豐富，d芝士一絲絲咁連埋雞扒食，味道超夾。另外叫咗個瑞士巨脾芝士汁撈公仔麵，瑞士巨脾好大一隻，好多肉而且瑞士汁好入味，芝士撈公仔麵從來都無得輸，最重要係佢d公仔麵唔會煮到腍晒，有彈性，正呀～