鹽焗雞，味道及賣想可以，但雞皮實在太厚太肥，整得太熟，有啲鞋口！
炸大腸:)
梅菜腩肉
腩肉太瘦，硬柴柴，竟然唔係用五花腩，而且啲梅菜浸得太耐，冇晒味
炸蝦丸
蝦肉太實，蝦味唔夠！
1
中式牛柳
阿媽話牛肉夠林佢食到，亦都唔會那到冇晒味。
椒絲腐乳通菜
八個人食七碟餸，兩支大啤，7碗飯，＄1000有找，算係抵食，但質素真係不及當年！
話雖如此，樓下樓上全場爆滿，懷舊服飾及年齡嘅夥計應接不暇。舉手叫餸當睇唔到，加水又加唔切！放低筷子就嗱嗱聲收晒啲碟，有少少趕客feel！下次再幫襯嘅意欲真係唔大。
