女人街食飯公司

营业中

休息中

女人街食饭公司其实都系旺角开左一段时间，一直都好想食，见到内里装修十足旧时大排档咁，但系可以叹住冷气咁食😎 望见个茶壶就已经好有feel，够哂怀旧！食物选择亦好多，小菜、煲仔菜、海鲜、炖汤同甜品都有，几经辛苦先拣到食咩，样样都想食！▪️啫啫南非五头鲍鱼鸡煲🍲上菜时已经闻到好香，听到炸炸声，一打开见到两只好大嘅鲍鱼！！真系好大只～食落好有口感但唔算好韧，煮到刚刚好！鲍鱼下面系鸡煲，鸡件份量都几多，应该有大半只鸡，炒到好香口，肉质嫩滑，成个煲都好惹味，配饭一流！▫️金沙脆鲜鱿🦑另一道惹味小菜，外皮酥脆，炸粉唔厚！咸蛋黄味劲香！！劲邪恶！咬落两重口感，外面酥脆，内里鲜鱿有咬口，食落都几新鲜，爽口弹牙！而且份量亦好足，有好多件架▫️高汤杂菜粉丝煲🍲食完两道浓味菜，叫返个清清地嘅煲食！又系劲足料，杂菜有劲多款，有西兰花、娃娃菜、白菜、小棠菜，每款份量都多，食落d菜都新鲜，食落都爽口，同埋唔会煮到过火，仲有粉丝同埋虾干系入面！味道亦相当唔错！