影片
更多
2019-06-15
2753 浏览
正當同老公係旺角苦惱緊食咩 發現間主打老香港特色嘅餐廳門口似足細個酒樓見到嘅龍鳳大禮堂 入面裝修十足大排檔童年回憶即刻番晒黎 未食飯就先打卡 我地兩個人點咗三個小食兩碟小炒 再追加白飯 餐前小食每碟份量都唔少 可以優惠價$158任選三款家鄉鯪魚球 鯪魚肉打至起膠再輕炸 點埋味道偏咸嘅蜆芥醬 突出鮮味之餘更香口惹味地道咖喱水魷魚 個人覺得呢道菜最有掃街感水魷魚入口爽彈富膠質 每片都被香濃而甜中帶辣嘅咖喱滲透 越食就越辣 越辣就越想食 非常上癮台式黑醋茄子 面層灑滿木魚 茄子軟腍多汁帶濃厚黑醋香 酸酸地 醒胃而不油膩 小菜炒咗個黑椒蜜餞茨仔牛柳粒 顏色配搭搶眼牛柳粒肉質結實而不韌 黑椒引出香氣蜜餞帶來香甜 配上爽甜三色椒以及焦糖薯粒炒得夠獲氣之餘 火喉都控制得啱啱好 再叫多個士多啤梨三度腩排 送飯食一流 腩排肥瘦相間 既品嚐到柔軟腩肉又食到入口即溶嘅軟脂鮮甜士多啤梨煮開成醬汁 並融入腩排之中 上層灑滿細細嘅士多啤梨粒 作點綴之用 更可以增加咬口就食物水準個人覺得高質 啱口味就環境而言衛生得黎又有香港風味等下個月一定要帶台灣朋友感受呢間懷舊小炒餐廳
發現間主打老香港特色嘅餐廳
門口似足細個酒樓見到嘅龍鳳大禮堂 入面裝修十足大排檔
童年回憶即刻番晒黎 未食飯就先打卡
我地兩個人點咗三個小食兩碟小炒 再追加白飯
餐前小食每碟份量都唔少 可以優惠價$158任選三款
家鄉鯪魚球 鯪魚肉打至起膠再輕炸
點埋味道偏咸嘅蜆芥醬 突出鮮味之餘更香口惹味
地道咖喱水魷魚 個人覺得呢道菜最有掃街感
水魷魚入口爽彈富膠質
每片都被香濃而甜中帶辣嘅咖喱滲透
越食就越辣 越辣就越想食 非常上癮
台式黑醋茄子 面層灑滿木魚 茄子軟腍多汁
帶濃厚黑醋香 酸酸地 醒胃而不油膩
小菜炒咗個黑椒蜜餞茨仔牛柳粒 顏色配搭搶眼
牛柳粒肉質結實而不韌 黑椒引出香氣
蜜餞帶來香甜 配上爽甜三色椒以及焦糖薯粒
炒得夠獲氣之餘 火喉都控制得啱啱好
再叫多個士多啤梨三度腩排 送飯食一流
腩排肥瘦相間 既品嚐到柔軟腩肉又食到入口即溶嘅軟脂
鮮甜士多啤梨煮開成醬汁 並融入腩排之中
上層灑滿細細嘅士多啤梨粒 作點綴之用 更可以增加咬口
就食物水準個人覺得高質 啱口味
就環境而言衛生得黎又有香港風味
等下個月一定要帶台灣朋友感受呢間懷舊小炒餐廳
张贴
