阿元來了 (鴻圖道)

营业中

休息中

晚上大概9:00黎到，唔洗排隊，但係都坐滿人都要搭枱。觀塘分店大過西營盤分店好多，但啲枱一樣咁細張。所有坐得唔係太舒服，但店入面裝飾好靚，好有台灣既風味。魯肉飯 $29細細碗，但有好多魯肉，食到最後都送到飯!! 味道都幾夠。但好多肥肉，所以都幾滯。如果一個女仔食一碗就可能會試唔到其他野。塩酥雞 $35 & 草莓多多 $25熱辣辣既塩酥雞好好味。啲粉唔會太厚，雞肉好滑，最重要係唔油膩，令人食完一粒又一粒。草莓加益力多，草莓味一啲都唔假，叫左微甜，甜度剛剛好。旗魚黑輪 $25依個比較普通，將魚蛋包住蛋，但味道唔太突出。蝦仁煎 $35蛋同透明黏黏的粉漿包住好多蝦仁，加埋啲醬汁，都唔錯。