中國冰室 (已結業)

喺街市入面既舊式冰室, 要經過肉檔, 傳統包餅店, 燒味舖等等, 先黎到依間成日喺電影出現既中國冰室, 好懷舊既layout, 格仔磁磚牆, 好特別。咖吷多士，多士好薄，烘得幾脆，好慷慨厚厚一層咖吷, 唔錯　奶吷多左煉奶, 略嫌太甜, 少少蓋過咖吷味, 都係鍾意咖吷多。麵幾好食，好有港式茶餐廳feel。通粉估唔到咁難食, 完全冇味，食完個口好重味精味。咖吷多咁好食，試埋咖吷西多。麻麻地，炸得普通又冇咁多咖吷，唯有落多Ｄ糖漿。紅豆冰幾好味，好地道，紅豆一粒粒，最怕煮到又甜又爛。好高效率，li頭落單轉下眼就到, 而且茶餐廳standard, 服務都唔太差。