影片
更多
2018-12-11
122 浏览
近呢幾年香港開始多咗好多懷舊冰室，而十字冰室就係以十字牌牛奶為題。喺西營盤高街沿路望過去，就比十字冰室霓虹燈管吸引住，門外散發住濃厚香港懷舊情懷，同鄰近西餐廳形成強烈對比。店內裝潢都有心思，一邊有黑色塗鴉牆，另一邊就掛滿懷舊餐牌。🔹常餐 $58 加$6 轉十字牌朱古力奶常餐包括咗十字牛奶豬骨湯意粉，配上香煎豬扒，牛奶炒滑蛋及牛油方包。起初見到塊豬扒放上湯意粉上面，心諗一定會浸到淋哂啦，反而無事！而且皮都仲keep到有少少脆身，肉質唔嚡口。牛奶炒滑蛋當然加入返冰室主打十字牌鮮奶，所以做到幾香滑效果。因為係十字冰室關係，點都要飲返樽牛奶嘅！好耐無飲過玻璃樽凍朱古力奶啦，飲管紅白間條好有聖誕感覺，重點係紙飲管，環保！不過朱古力奶再凍多少少會好啲。🔹砵酒燴牛尾飯 $68牛尾好大件，醬汁調較得尚算ok，不過骨頭部份偏多，比較難去食，整體一般。🔹花生醬厚多士 $32多士控嘅我最鍾意就係食花生醬西多士，炸得金黃色無燶邊👍而且入面係粗粒花生醬呀！出面多數係幼滑花生醬，但呢到就食到粗粒，係驚喜！🔹懷舊薯條配松露蛋黃醬 $38薯條炸得好香口，幾鍾意食有間炆嘅懷舊薯條，薯條點松露蛋黃醬都幾特別。📍
近呢幾年香港開始多咗好多懷舊冰室，而十字冰室就係以十字牌牛奶為題。喺西營盤高街沿路望過去，就比十字冰室霓虹燈管吸引住，門外散發住濃厚香港懷舊情懷，同鄰近西餐廳形成強烈對比。
店內裝潢都有心思，一邊有黑色塗鴉牆，另一邊就掛滿懷舊餐牌。
🔹常餐 $58 加$6 轉十字牌朱古力奶
常餐包括咗十字牛奶豬骨湯意粉，配上香煎豬扒，牛奶炒滑蛋及牛油方包。
起初見到塊豬扒放上湯意粉上面，心諗一定會浸到淋哂啦，反而無事！而且皮都仲keep到有少少脆身，肉質唔嚡口。牛奶炒滑蛋當然加入返冰室主打十字牌鮮奶，所以做到幾香滑效果。
因為係十字冰室關係，點都要飲返樽牛奶嘅！好耐無飲過玻璃樽凍朱古力奶啦，飲管紅白間條好有聖誕感覺，重點係紙飲管，環保！不過朱古力奶再凍多少少會好啲。
🔹砵酒燴牛尾飯 $68
牛尾好大件，醬汁調較得尚算ok，不過骨頭部份偏多，比較難去食，整體一般。
🔹花生醬厚多士 $32
多士控嘅我最鍾意就係食花生醬西多士，炸得金黃色無燶邊👍而且入面係粗粒花生醬呀！出面多數係幼滑花生醬，但呢到就食到粗粒，係驚喜！
🔹懷舊薯條配松露蛋黃醬 $38
薯條炸得好香口，幾鍾意食有間炆嘅懷舊薯條，薯條點松露蛋黃醬都幾特別。
📍十字冰室
西環西營盤高街48-78號恆陞大樓地下12號舖
．
．
環境分數：7.8/10
食物分數：7.8/10
Encore分數：7.8/10
张贴
