海安咖啡室 (已結業)

我曾經幾次經過呢間店，有點想入與唔想入之間。想入係因為佢個佈局實在太懷舊，天花吊3 頁風扇，紅漆木檯凳，磁磚牆身，好有四五十年代feel; 唔想入係因為好似唔方會好食... 最後，大膽的金貴人還是要入去試食的! 一看menu，真係冇咩選擇。都係基本的腸、蛋、牛.... 公仔麵/ 通粉; 奶茶咖啡、多士、波蘿包、紙包蛋糕、合桃蘇...等。我叫左餐蛋麵及蛋撻，個蛋撻凍冰冰唔好味，個麵唔係用出前一丁，係用福字麵o個隻，如果鍾意呢種麵的可以一試。 店員們都係好慈詳的公公婆婆，不過佢地的行動普遍緩慢，故整野食都好慢，不過就勝在夠用心整。隻蛋煎得好靚~~~ 總之入左去就好似退左休咁，最適D 老年人約埋一齊吹水慢吃慢喝。