荔香園冰室 (已結業)

懷舊冰室風味十足，夜晚就黎試下佢哋嘅出品啦。裝修懷舊，播放舊時代音樂，復古feel好特別。而且有卡位好闊落，坐得好舒服。環境好乾淨，放心食飯好唔錯。叫咗焗飯真係好正味！茄汁芝士豬扒飯好吸引，飯係蛋炒飯底，非常香，而且牛扒都幾大件，加埋個流心煎蛋都真係好滿足。現焗熱辣辣，女仔唔大食都可以食得晒😍本身約咗屋企人一齊食，冇諗到佢開會唔知開到幾時，唯有外賣一份俾佢啦。試咗吉列魚扒加自家製沙律都好好味，沙律有椰果，薯仔，水果粒，有特色，好風味！原來女人街有呢間特色茶餐廳，真係唔錯👍