萬芳冰室 (已結業)

元朗萬芳冰室就食得多，依間屯門分店係第一次食。食店裝修格調仍然係走懷舊路線，令人勾起童年回憶。裝修充滿六七十年代嘅格調，好有特色，座位寬闊唔會覺得坐得好迫。依到嘅炸雞肶麵餐係必點！隻炸雞肶唔係講笑，真係有女仔塊面咁大！而且即點即炸，塊雞皮炸到岩岩好，超脆，食落係「索索聲」！而且肉質仍然鮮味，充滿肉汁朗沙豬扒飯，裏面有火腿同雞蛋，雞蛋係太陽蛋，最緊要係有一塊大大件嘅豬扒，豬扒質感口實，而且肉質好厚身，唔會好乾身，配上醬汁，甜甜地又唔會好鹹入口真係一流呀。