龍鳳冰室 (已結業)

之前聽一個朋友講其實天后嗰邊都好多嘢食，但平時要上班，今日唔洗返工就心癢癢，就叫上表妺過去行下，講就話過去閑逛下，其實我系為左去穩食。飲完早茶就出發過去喇，一邊行街一邊穩食，呢邊的確幾多食店，好多都系火鍋同日韓式料理類，因為九龍都好多呢D店，所以就繼續行，行到龍鳳冰室時，往店入邊睇，見到墻上貼住好多明星相，就感興趣想試下。呢度睇嚟扒類比較出名，肉松雞扒意麵，睇嚟呢度出品都系大分量，肉松好多，雞扒都好大件，豬扒飯嘅豬扒更系我見過最大分量嘅，夸張D講句差唔多有成隻碟咁大，仲配左一小分量嘅炒滑蛋，豬扒煎得好靚，滑蛋都唔錯，幾濃奶香味，而且嫩滑。