中國冰室 (已結業)

突然好懷念三色臺嘅電視劇經常出現嘅中國冰室，以前細個經常同阿媽老豆過嚟食早餐同飲下午茶，今日下午就過去飲個下午茶嚟滿足下我嘅懷舊心，環境依然都係甘熟悉，都係老伙計，感覺好親切，一切都好似電視劇出現嘅景象咁。呢度裝修同環境都好多年，所以感覺好有味道，而且呢度價格比其他茶餐廳要平好多，味道就一般喇，唔好唔壞，都係附近嘅街坊過嚟幫襯多，奶茶同西多士不過不失，蛋撻覺得幾可以，幾松脆，幾滑，三文治無再另外烤過，所以有D軟，無咩口感，牛肉味都唔重，但勝在價格親民，同埋味道總休嚟講可以。