摩登士丹里 (已結業)

元朗區一直都有唔少手搖飲品店，今次試呢間士丹里就主打懷舊情懷！門口有個杯嘅裝飾品放咗喺門口度，所以其實好好認！朋友話呢度最出名嘅就係芋圓，食落好有咬口。佢就叫咗熱芋圓加牛乳，我是飲咗佢一啖，芋圓真心唔錯。拍得住台灣咁嘅水準！但係我就想飲黑糖珍珠熱鮮奶。當日唔係好多人，所以等左唔係好耐就有得飲。分量係夠既，但係就冇想像中咁好飲，唔知係咪可能係因為熱嘅關係，我覺得隔離幸福堂好飲d。希望下次試吓佢其他嘢會有驚喜啦！