影片
更多
2022-10-29
900 浏览
天氣開始轉涼，又係打邊爐嘅時節。我同朋友放工收得夜，訂咗枱九點食位於尖沙咀嘅「龍鳳呈祥火鍋雞煲」，宵夜時段有七折優惠🈹。餐廳嘅每一個角落都係打卡位📸，四周圍擺放咗懷舊物品，例如暖水壺、鳥籠同舊式收音機等。中間位置更將傳統酒樓嘅雕龍雕鳳還原出嚟🧧🐉。我哋先食雞煲，後打邊爐🍲。食材選擇都算多，但價錢就稍為貴啲，好彩有折啫。秘制惹味辣雞煲($198/半隻)，🐔雞煲有幾款口味可選，我哋食原味，兩個人要半隻啱啱好。秘製雞煲醬配上大量蒜頭、芫荽同洋蔥，幾惹味，唔會太鹹或肥膩。辣度要咗BB辣🌶，但我覺得完全唔辣，哈哈。雞煲上枱時已熟，店員其後會幫手炒香，再焗多幾分鐘就搞掂，雞肉肉質嫩滑，唔錯。頂級雪花肥牛($298)，🥩肥牛有十幾塊，每卷攤開咗都勁大片，而且又有一定厚度，食落有口感。龍鳳呈祥鮮蝦鳳尾餃($78/4粒)，🥟呢隻係真·蝦餃，巨型餃子包裹住原隻鮮蝦，鳳尾凸咗出嚟🦐。冬蔭公蝦球($68/4粒)，佢同想像中有啲出入，因為似流心丸多啲🍢。蝦丸彈牙，外層經油炸，咬開後流出冬蔭公汁。西洋菜($48)，🥦菜大大兜，終於到食西洋菜嘅季節，菜葉甘甜唔苦。薯粉($28)，🍜食埋澱粉質就飽晒，薯粉煙煙韌韌，又
餐廳嘅每一個角落都係打卡位📸，四周圍擺放咗懷舊物品，例如暖水壺、鳥籠同舊式收音機等。中間位置更將傳統酒樓嘅雕龍雕鳳還原出嚟🧧🐉。
我哋先食雞煲，後打邊爐🍲。食材選擇都算多，但價錢就稍為貴啲，好彩有折啫。
秘制惹味辣雞煲($198/半隻)，🐔雞煲有幾款口味可選，我哋食原味，兩個人要半隻啱啱好。秘製雞煲醬配上大量蒜頭、芫荽同洋蔥，幾惹味，唔會太鹹或肥膩。辣度要咗BB辣🌶，但我覺得完全唔辣，哈哈。雞煲上枱時已熟，店員其後會幫手炒香，再焗多幾分鐘就搞掂，雞肉肉質嫩滑，唔錯。
頂級雪花肥牛($298)，🥩肥牛有十幾塊，每卷攤開咗都勁大片，而且又有一定厚度，食落有口感。
龍鳳呈祥鮮蝦鳳尾餃($78/4粒)，🥟呢隻係真·蝦餃，巨型餃子包裹住原隻鮮蝦，鳳尾凸咗出嚟🦐。
冬蔭公蝦球($68/4粒)，佢同想像中有啲出入，因為似流心丸多啲🍢。蝦丸彈牙，外層經油炸，咬開後流出冬蔭公汁。
西洋菜($48)，🥦菜大大兜，終於到食西洋菜嘅季節，菜葉甘甜唔苦。
薯粉($28)，🍜食埋澱粉質就飽晒，薯粉煙煙韌韌，又索汁。
自家製陳年鹹檸七($38)，餐廳就連個飲品杯都好復古。🍋鹹檸經過歲月嘅洗禮，滲出鹹甜酸嘅滋味。
題外話，每位醬介費$22。由火鍋轉打邊爐，店員會幫忙加湯💦，並且有三款選擇，包括豬骨湯、雞湯同埋蕃茄湯。
總括嚟講，餐廳能夠一次過滿足多個願望😽，可以食嘢、打卡同玩。店舖後方設有足球機同乒乓波枱🏓，食完仲可以同朋友玩返局。最後，店員服務態度良好，樂於提供協助，抵讚。
张贴
