上海弄堂菜肉餛飩 (綿發街) (已結業)

去完跑馬地馬場，咪諗住去搵嘢食，聽朋友介紹附近有一間食上海菜好好食，咪去試吓。行咗大概5分鐘就見到間鋪頭。餐廳裝修精緻，十分整齊。餐具亦非常乾淨。有大量套餐選擇，搞到我心大心細添。叫咗個一人餐，前菜係涼拌小黃瓜，食得出醃咗好耐，酸酸甜甜好醒胃。主菜係無錫排骨跟菜飯，無錫骨煮得好林，帶點甜味，撈飯一流。之後加咗個香菇烤麩，入邊有雲耳同香菇，非常入味。最後叫咗個甜品豆沙鍋餅，每次食上海菜必定點嘅甜品，外脆內軟。豆沙蓉唔太甜，食幾多件都唔會膩。一人餐加＄5仲有豆漿添。