金記冰室 (霎東街) (已結業)

行銅鑼灣行到攰攰哋，喺times square附近見到呢間金記冰室，睇見冰室呢兩個字就入去試，睇吓係咪咁懷舊先。呢間冰室有50年歷史，之前喺筲箕灣，近年搬左黎銅鑼灣，其他地方都有分店。因為啱啱係下午茶時間，所以都幾多人，不過呢過都算幾大，位夠多，唔洗點等就有得坐低。入面裝修以懷舊做主題，牆紙上面都係啲幾十年前嘅廣告，相信80、90後都未聽過，別有一番風味。呢度嘅食物選擇好多，我哋兩個人分別叫左迷你焗豬扒飯同流心西多，味道都唔錯，價錢算係合理。