Mr. Crab by The Captain's House (已結業)

好耐都冇食Shake Shake 海鮮袋，真係超掛住呀！之前不嬲都係去開尖沙咀分店，不過當晚booking full 咗，店員建議我哋可以book 灣仔分店的，因為坐位比尖沙咀分店多同更闊落！😁😁😁去到果然真係好大，店內裝修仲以船嘅設計，真係有置身於海上嘅感覺！一入門口仲見到好多生猛嘅龍蝦同海鮮𠻹！坐低後，我哋就點咗個二人 Set Dinner…🥰Set Dinner 我哋點咗一個Shake Shake 海鮮袋，當中就揀咗小龍蝦，海蝦及翡翠螺，醬汁方面就揀咗 Mix & Match! 每次店員喺我面前Shake 呢個海鮮袋，都會令我好期待的！開袋後睇見滿滿嘅海鮮，對於我呢個海鮮控嚟講真係好有喜悅感！小龍蝦同海蝦非常之惹味，翡翠螺肉質結實又夠鮮甜，而且仲好大隻，配菜仲有粟米、腸仔及薯仔，非常之豐富呀！😍😋🤤另外個Set 我仲揀咗法式煮青口及香煎大頭蝦冬陰功意大利燴飯，而且套餐仲包埋餐湯、餐包同嘢飲，紅白酒及有汽酒仲要唔使另外加錢！正呀！總括嚟講呢度嘅食物都比較濃味啲，非常之啱重口味嘅我，已經計劃緊下次幾時再嚟食…😝❤️