甜品堂 (已結業)

難得gogo放假,so約左佢行街影相食野,之前睇到blog友介紹喱間,個環境係課室來的好特別,於是來試下了~3點開店的,我地3點幾去到,so冇乜人,細小的一間店,但設計幾有意思,課室的主題,見到木枱椅, 令人懷念讀書時~黑板既餐牌,雖然好多食店都有用,不過係喱個課室設計之下特別有意思~餐牌,好似生字簿呀,有功課既感覺~單行簿,甜品圖文並茂,整得幾好心思,款式唔算太多,亦唔算好特別,不過個賣相睇落唔錯,本身想試出名的Tiramisu,可惜剛開舖仲未整要晚上先有...試唔到~!瘋狂朱古力,$38,有三款朱古力甜品,朱古力布朗尼,朱古力布甸同朱古力雪糕,以為會甜過頭,但竟然唔係好甜,唔錯,三款裡面最鍾意布朗尼,朱古力味濃郁,少少熱,口感紮實,雪糕味道普通,布甸麻麻,味道偏淡,實左點~!西多士麵包布甸伴雲喱拿雪糕~$35,一睇就知要share~三塊西多士味道普通,雪糕味道偏淡,麵包布甸唔錯,微熱既,幾軟滑,不過對我來講甜左點~!綜合來個甜品味道唔算突出,普通咁,可能因為未試到最好的Tiramisu,環境就真係幾特別同花心思,有主題的,個人幾欣賞,員工態度都好好呀,感覺好舒服,有機要去多次試下呀