影片
更多
2019-03-27
80 浏览
上個月去完曼谷，一直都對地道泰國野念念不忘，雖然九龍城可以話係半個泰國，但要搵一間好食又夠地道既餐廳都唔容易，加上朋友對餐廳環境有一定要求，難度就更加高。最後臨食飯之前一日先俾佢揀到小曼谷，仲話應該得呢間先附合哂佢所有要求。星期日晚7點左右入座，人唔算多，後來到8點左右已經full哂加有人等位。一坐低先叫左2杯野飲，我揀左芒果沙冰，好飲！主要係因為飲得出佢用料十足，芒果多過冰咁，所以果味好濃。朋友叫既椰子沙冰，我無飲到，不過聽佢講都好好飲。之後黎既係招牌泰式燒雞，呢個可以話係我係香港食過最好味既燒雞，如果有係泰國食開雞既話都知道泰國既雞肉質係好實淨，同時又唔會鞋口，呢隻燒雞完全就係咁，加上燒得好香口，配埋個醬汁真係好屈機。 第二碟係黃咖哩軟殼蟹農夫包，又係十分出色，黃咖哩入口味道濃厚，一啲唔會水稀稀，軟殻蟹脆口又有肉，仲補留到啖啖蟹肉，我地最後係成個農夫包連咖哩食哂，一啖都無浪費到。最後叫埋個菜，係我最中意既啫啫豬頸肉椰菜苗，香口惹味熱辣辣，我地勁快已經清哂成碟。值得一提係餐廳每晚都有live band，好有泰國夜市啲餐廳既感覺，阿叔唱既英文舊歌勁有feel。為左多謝朋友好介紹，最後請
最後臨食飯之前一日先俾佢揀到小曼谷，仲話應該得呢間先附合哂佢所有要求。
星期日晚7點左右入座，人唔算多，後來到8點左右已經full哂加有人等位。
一坐低先叫左2杯野飲，我揀左芒果沙冰，好飲！主要係因為飲得出佢用料十足，芒果多過冰咁，所以果味好濃。朋友叫既椰子沙冰，我無飲到，不過聽佢講都好好飲。
之後黎既係招牌泰式燒雞，呢個可以話係我係香港食過最好味既燒雞，如果有係泰國食開雞既話都知道泰國既雞肉質係好實淨，同時又唔會鞋口，呢隻燒雞完全就係咁，加上燒得好香口，配埋個醬汁真係好屈機。
第二碟係黃咖哩軟殼蟹農夫包，又係十分出色，黃咖哩入口味道濃厚，一啲唔會水稀稀，軟殻蟹脆口又有肉，仲補留到啖啖蟹肉，我地最後係成個農夫包連咖哩食哂，一啖都無浪費到。
最後叫埋個菜，係我最中意既啫啫豬頸肉椰菜苗，香口惹味熱辣辣，我地勁快已經清哂成碟。
值得一提係餐廳每晚都有live band，好有泰國夜市啲餐廳既感覺，阿叔唱既英文舊歌勁有feel。
為左多謝朋友好介紹，最後請左佢食，不過值得既，我地已經約左下次翻黎再食，仲有幾樣野想試。
张贴
