東大門韓國料理 (已結業)

疫情下兩年冇得飛，除了日本鄉下外，隔年總會去南韓一轉，食買玩都不錯選擇。今日例假就跟老婆大人來懷念一下首爾情。東大門韓燒開業30年，每次經過旺角，一出地鐵站便經過，但咁多年來卻沒有上過去打咭試菜，漢X就試得多。閒日中午，食客不多。冷氣夠凍，座位都濶落，由大媽阿姐招呼，都幾親切。這類的肉類是剔紙的，優點是較衛生，但缺點是冇得摷囉！與漢X的分別是肉類款式不同，東大門款式不算多，但有原條豬腩肉，用較剪剪下剪下，有地道韓國Feel。熟食區就欣賞豬腳薑和冬蔭功湯。其他食物品質就大同小異啦！值得一讚是無時限，食飽飽後飲下野Hea下，都好休閒。