王家沙

因為得壹個鐘就要食完dinner，之後趕住去睇戲。睇返啲食評話要等好耐都有啲擔心，好彩我哋係六點鐘左右，所以唔使等位就有得入去食。
今次叫咗小籠包、生煎包、擔擔麵同埋蒜泥白肉。本身係想嗌雞絲粉皮，但又怕太飽，但原來蒜泥白肉下面係有粉皮，一次過滿足晒兩個願望！
擔擔麵嘅湯底比唔上以前果種濃郁，不過我欣賞佢有得揀唔辣。
幾樣食物入面最好食嘅係生煎包，佢可以煎到個皮好脆，但又唔係硬骨骨咁。
雖然店入面唔係好多人，但都見啲侍應好忙，可想而知如果full晒嘅話，人手應該會唔係幾夠。