阿麥廚房 (已結業)

從Felix口中得知，在加路連山道開了一間阿麥廚房，而那裡的咖啡也是咖啡會館出品的，所以便決定來試試。我們叫了兩個晚餐，食物包括烤茄子伴水牛芝士、蘑菇湯、吞拿魚尼斯沙律、煎龍配牛油汁、燒羊架寶文酥、coffee和espresso。烤茄子伴水牛芝士- 烤茄子烤得太乾身，唔大出色，醬汁太濃，搶了食物的本味；水牛芝士，薄薄的份量又少。蘑菇湯- 幾香蘑菇味，但唔多夠濃，不過不失。吞拿魚尼斯沙律- 本來沙律都唔錯，但竟然又是用那太濃的醬汁，感覺已經唔多得了，完全沒有誠意的表現。煎龍配牛油汁(意粉) - 龍魚煎得太熟，好韌；意粉又煮得太淋，唔多好食。燒羊架寶文酥- 羊架比較好一點，幾淋味道幾好、但個醬汁也是過濃，和個羊架唔多配合，有點失敗。coffee - 味道都算幾好，比一般餐廳的出色。espresso - 真的幾有咖啡會館的影子，真想不到，這竟是今晚最出色的。食物味道普通、而且感覺完全沒有誠意，但飲品出色、如果只是來飲杯，也是不錯的。