潮軒打冷小菜粉麵 (已結業)

今晚唔想煮，一於落街食，好耐冇食潮州打冷就入去尋食一番先，原來除左打冷，還有小菜叫，睇見好多款式，而且價錢唔係好貴但人唔多叫唔到太多，費事食唔晒浪費，只係叫左：鵝片拼盤、潮州煎蠔餅和馬拉盞通菜。當d餸送來時，賣相吸引而且份量十足，急不及待試吓味道先：鵝片拼盤：都幾多種類，有（鵝片、鵝腸、豬頸肉、鹵水蛋、豬大腸、生腸、紅腸、墨魚、鴨腎、豬耳、芽菜和豆po）鹵水都幾好味，但好多都煮唔腍，入囗幾硬潮州煎蠔餅：味道幾好，入口幾脆，如多d蠔仔就好馬拉盞通菜：冇乜馬拉盞味，唔夠惹味，太多菜梗有d硬，如用煲仔或沙窩上會更好今晚呢餐味道比較差d，只可以講價錢適中份量足，但唔味美。