影片
更多
2022-08-11
86 浏览
「一口鮮香，如痴如醉，麻辣涮肉，涮起干層浪。」路過幾次睇到呢個slogan已經好想一試究竟，到底是否會讓人如痴如醉。初試辣鹵串串火鍋，結果一試難忘，甚有驚喜！Super surprised by the quality of this place’s SPICY STEWED STRING HOT POT!📍#dia_尖沙咀/ 食物 Food /我地第一次食，點了(A) 靚牛海鮮套餐 $338/位，套餐非常豐富。A同B套餐同樣包自助區配料任飲任食+牛頸脊/牛小排/SRF和牛肉眼邊（3選1），唯一不同之處在於B餐只送時令海鮮，送完即止；而A餐貴啲，貴在會送升級海鮮盤，裡面有多款新鮮聖子，元貝，海蝦，費妃蚌，大蜆！如果唔太執著食海鮮嘅話，推薦大家可以試咗(B) 靚牛套餐 $298位，抵食啲！鴛鴦鍋底好吸引，一邊係餐廳嘅招牌麻辣鍋，另一邊可以揀養生菌王雞湯鍋或者酸菜魚鍋。餐廳最近搞搞意思，推出咗茶底麻辣鍋，所以餐廳會特意放幾個菊花/烏龍茶包落去，令到湯底更加帶茶香，明顯食得出其他火鍋餐廳嘅鍋底有啲唔同，勁特別！🍵任食火鍋配料有好多選擇，重點係餐廳已經預先準備好「迷你盅」同「串串簽」形式，完全
初試辣鹵串串火鍋，結果一試難忘，甚有驚喜！Super surprised by the quality of this place’s SPICY STEWED STRING HOT POT!📍#dia_尖沙咀
/ 食物 Food /
我地第一次食，點了(A) 靚牛海鮮套餐 $338/位，套餐非常豐富。A同B套餐同樣包自助區配料任飲任食+牛頸脊/牛小排/SRF和牛肉眼邊（3選1），唯一不同之處在於B餐只送時令海鮮，送完即止；而A餐貴啲，貴在會送升級海鮮盤，裡面有多款新鮮聖子，元貝，海蝦，費妃蚌，大蜆！
如果唔太執著食海鮮嘅話，推薦大家可以試咗(B) 靚牛套餐 $298位，抵食啲！
鴛鴦鍋底好吸引，一邊係餐廳嘅招牌麻辣鍋，另一邊可以揀養生菌王雞湯鍋或者酸菜魚鍋。餐廳最近搞搞意思，推出咗茶底麻辣鍋，所以餐廳會特意放幾個菊花/烏龍茶包落去，令到湯底更加帶茶香，明顯食得出其他火鍋餐廳嘅鍋底有啲唔同，勁特別！🍵
任食火鍋配料有好多選擇，重點係餐廳已經預先準備好「迷你盅」同「串串簽」形式，完全唔需要勞煩食客逐件逐件夾！迷你盅裝成一兜兜，我自己最鐘意爽彈嘅台灣鴨血、麻辣孜然牛肉、肥牛、黑椒牛肉粒、鵝腸、麻辣豬頸肉。
蔬菜植物類有好多，萵筍片、厚切土豆片、娃娃菜、生菜、菠菜、皇帝菜、西洋菜、蔬菜菇拼盤、海帶、白蘿蔔、蓮藕任君選擇。比較特別嘅有煙煙韌韌嘅拉皮、筋喜粉、苕皮、鮮田雞、墨魚仔、魷魚鬚同埋大腸包腸仔。
串串簽真係勁方便懶人，就咁放入爐中不消幾分鐘就可以攞上嚟食！單係肉類都已經有香菜牛肉、薄荷牛肉、泡椒牛肉、菠蘿牛肉、金菇肥牛卷、韭菜肥牛卷、辣味雞腎、辣味雞肉、司華力腸、芝士腸、飛魚籽腸、早古一口腸、牛腩、牛筋、牛腸！
豆腐都有幾款，風琴豆腐串、豆腐皮、百葉豆腐各有特色。台灣丸類都好好食，鹹蛋貢丸、椒麻貢丸、三星蔥貢丸、炭燒芝士丸、芝士年糕都值得一試！
/ 環境 Environment /
餐廳外牆塗得紅噹噹的，非常吸睛！餐廳位於一樓，要在大街上走一道樓梯上去，頗有格調。走到上去會發現，餐廳原來設了室外同室內用餐區，室外比較適合冬天坐，夏天大家還是進去享受冷氣比較好！
裝修呈工業風，水泥牆身配鐵桌黑椅，環境不算超特別，不過抽風系統做得超級棒，吃了100分鐘衣服還是香噴噴的，連頭髮都沒有沾染到油煙味道。整體來說，很好坐！/ 服務 Service /
店員超級有禮貌，而且服務勤懇，上菜、補湯速度勁快。尤其要讚一位短頭髮阿姨，她服務態度真的超好，跟她提出要求，如：烤爐要換牛油紙，她都會超快安排，絕不會怠慢，而且對每一檯都一樣殷勤。臨走前我還特意問問阿姨她是不是老闆，結果她竟只是來打工。這家餐廳的老闆真的超幸運請到這個員工！
/ 價錢 Price /
雖然時間不算長，只能吃到100分鐘，但只要係7:00PM前埋單離開/9:30PM後入座都有9折，超抵食！而且餐廳如果不算太多人，也不會趕人走。
/ 其他 Others /
▪️餐廳落場時間為11點，大家記得預早時間過來。
▪️餐廳洗手間🚾位於餐廳內門外面，需要拿鑰匙🔑出去。洗手間算大，有幾格，清潔程度正常。
张贴
