自家燒吧 (已結業)

來到呢度係一個意外。事關有日同朋友傾開，好想去BBQ，但天氣真係熱，點頂？？？朋友話，宜家唔一定要室外BBQ，室内亦可，都好有BBQ氣氛，而且係懶人嗰隻，唔需要自己轉來轉去，而係有人串好啲串燒，你要做嘅就係，好似打邊爐咁較好溫度，擺的串燒喺燒烤機的槽位，咁啲串燒就會自轉360度咁燒直至熟為止，就好似下面幅圖咁。位處觀塘區工業大厦内的『自家燒吧』裝修亦都係好工業風，看下圖價錢唔算貴，簡單如下。有串燒區；前菜、甜品區；亦有熟食區；仲有湯飲，還有任飲的汽水區；雪糕區，都算豐富。熟食區的蒜蓉芝士焗蠔幾受歡迎；而燒菠蘿亦係我嘅愛，燒完一串又一串，超級juicy。牛肉粒，牛舌，丸，秋葵，翠玉瓜都好味。自點嘅青菜～腐乳通菜有酒樓水準，最重要係燒嘢吃仲有咁靚嘅菜吃，都幾满足