串Grill 自助燒烤專門店 (譽發廣場) (已結業)

串燒放上自動轉的爐上面，輕輕鬆鬆同朋友等食就可以。自動加熱的爐有一條鏈經齒輪轉動串燒，360 度受熱，無咁易燒燶。任食120 分鐘都係二百幾蚊，相當抵食。調味料： 海鹽/孜然粉/辣粉/味椒粉，仲有個燒烤醬好似蜜糖咁一邊燒一邊可以掃上去。加$20 可以加個生酮醬汁食物種類： 豬牛羊雞、台灣腸、丸類、海鮮、瓜菜及棉花糖雞蛋仔一應俱全，基本上BBQ 會食的野都有🐑羊肉串細細串加上孜然粉，好似燒烤店的感覺🐔雞腎同雞軟骨雞軟骨都爽口彈牙，肉類是沒有調味，所以燒到一半要記得加燒汁🐟魚肉年糕一定要試咬落去好煙韌🥒翠玉瓜秋葵菠蘿甜番薯都非常鮮甜可口🧇雞蛋仔都好有驚喜，燒到有外脆內軟🍭棉花糖必食，燒到棉花糖脹卜卜帶少少金黃色就可以拎起，咬落去外脆，入面拉絲，正！🧃飲品： 可樂、菊花茶、 OOHA就唔少得啦，最特別係豆漿，有原味同燕麥豆乳最尾一人有一杯Häagen-Dazs雪糕，食到肚脹卜卜走。