影片
更多
2020-10-18
985 浏览
秋意漸濃，總係心思思想嚟巴希雅燒嘢食，今日趁住週末加上天氣咁好，終於坐言起行！食材放喺一間獨立嘅房間入邊，確保衛生，葷素食材選擇眾多，一串串整好哂，乾淨有條理，而且一眾姨姨喺旁邊密密整，補給及時。除咗燒烤食材之外，仲有秘製咖喱魚蛋，辣得過癮，另外當然唔少得我至愛嘅牛油法包。入場會有一人一張飲品換領券，可以換領九蚊嘅飲品，罐裝飲品選擇亦唔少，仲可以換大嘅樽裝水。一坐底店員就為我哋放好備長炭爐，冇明顯火頭，熱力出奇地持久，食咗兩個幾個鐘都唔需要換炭或者翻炭，而且冇乜炭灰，大讚！食材方面最推薦牛柳粒同雞全翼，牛柳粒肥瘦適中，入口非常juicy！加上辣粉同孜然粉更加係絕配；雞全翼係令人燒得最有滿足感嘅食材，燒嘅過程要好有耐心不時翻動，但成品絕對令人滿足，外皮又香又脆，肉嫩多汁。除此之外鮮魷魚、豬肋骨同四季豆都非常推薦。除咗自取嘅食材之外，每張枱都會有一份蜆煲、大蝦串、芝士牛油金菇、香蕉同菠蘿。大蝦已經剪咗蝦腳以防燒焦，非常細心，蝦肉鮮甜彈牙，仲有淡淡嘅鹹鮮味；牛油金菇以前係冇芝士，加入芝士有微微嘅拉絲效果，更加滋味，另外蒜蓉牛油嘅份量俾得超大方，非常惹味！蜆用煲仔裝住，冇多餘嘅水份，冚蓋放上去
秋意漸濃，總係心思思想嚟巴希雅燒嘢食，今日趁住週末加上天氣咁好，終於坐言起行！
食材放喺一間獨立嘅房間入邊，確保衛生，葷素食材選擇眾多，一串串整好哂，乾淨有條理，而且一眾姨姨喺旁邊密密整，補給及時。
除咗燒烤食材之外，仲有秘製咖喱魚蛋，辣得過癮，另外當然唔少得我至愛嘅牛油法包。
入場會有一人一張飲品換領券，可以換領九蚊嘅飲品，罐裝飲品選擇亦唔少，仲可以換大嘅樽裝水。
一坐底店員就為我哋放好備長炭爐，冇明顯火頭，熱力出奇地持久，食咗兩個幾個鐘都唔需要換炭或者翻炭，而且冇乜炭灰，大讚！
食材方面最推薦牛柳粒同雞全翼，牛柳粒肥瘦適中，入口非常juicy！加上辣粉同孜然粉更加係絕配；雞全翼係令人燒得最有滿足感嘅食材，燒嘅過程要好有耐心不時翻動，但成品絕對令人滿足，外皮又香又脆，肉嫩多汁。除此之外鮮魷魚、豬肋骨同四季豆都非常推薦。
除咗自取嘅食材之外，每張枱都會有一份蜆煲、大蝦串、芝士牛油金菇、香蕉同菠蘿。大蝦已經剪咗蝦腳以防燒焦，非常細心，蝦肉鮮甜彈牙，仲有淡淡嘅鹹鮮味；牛油金菇以前係冇芝士，加入芝士有微微嘅拉絲效果，更加滋味，另外蒜蓉牛油嘅份量俾得超大方，非常惹味！
蜆用煲仔裝住，冇多餘嘅水份，冚蓋放上去燒一陣就聞到好香嘅鹹鮮味，極度吸引。
菠蘿大大件，燒到兩面微焦就好收手，咬落極度多汁！而且唔知係咪熱食嘅關係，入口份外香甜！
每次最期待嘅就係燒香蕉，就算食得幾飽，都一定要食埋佢，香蕉燒到軟身之後可以拎出去俾店員加上朱古力或者焦糖醬汁，每次捧住香蕉出去都有種童心未泯嘅感覺，格外興奮！一直係巴希雅嘅鐵粉，讀書嘅時候食過一次就上咗癮，每年一定要食返一兩次先安樂，貪佢價錢唔貴而且免加一，任食嘅時間長，食物選擇多，座位又舒適，唔似得一般BBQ場又迫又污糟又要成日加炭，絕對係懶人燒嘢食嘅首選！
张贴
