串Grill 自助燒烤專門店 (譽發廣場) (已結業)

想試呢種懶人燒嘢食好耐，放假終於同男朋友去食咗。全程食得好過癮😆，視覺味覺享受👍🏻一坐低店員就細心同我哋講解點用燒烤爐，原來都有竅門，串燒與串燒之間要預留空間俾佢360度轉，如果唔係嘅話就有一邊好易燶。仲有就係串燒要擺正個齒輪位，佢先識得自𨍭。用QR code叫咗嘢食之後，店員就會送上串燒層架。跟住我哋就將串燒放上燒烤爐，睇住啲串燒自己轉轉轉，慢慢變熟，然後變金黃色，肉上面嘅油脂發出吱吱聲，勁香，真係睇到流口水🤤餐廳提供左燒汁、同埋各種調味粉，有鹽、孜然粉、七味粉，自己可以調教鍾意嘅味道。我就鍾意灑少少鹽，等食物變金黃色嘅時候掃上燒汁，再燒一陣，就好好味。其中我最推介嘅有五花腩肉，燒得肥膏好甘香，豬肉金黃香口😋牛肉串都好食，但係要記得留意住佢狀態😆燒得時間啱啱好先可以做到外面焦香裏面保持肉汁😋雞卷肉都好正，燒到雞皮下嘅肥膏迫晒出嚟，剩返脆脆嘅雞皮包住嫩滑嘅雞肉，好香口😍多春魚都好正，平時如果要自己喺鐵板上面燒會燒到爛晒，用呢部機燒得好靚，成條魚好完整，燒得好香口甘香👍🏻成串滿滿嘅蜆肉，睇到都開心，因為已經熟咗嘅原因，只要燒一陣就可以食。年糕魚卷都唔錯，燒到外層脆脆，然後就係好似魚蛋嘅魚