串燒屋

营业中

休息中

今日行完山超級攰呀 所以就同男朋友去食任食燒烤獎勵下自己啦觀塘嘅呢間串燒屋 價錢唔貴仲好多嘢食 兩個人被安排咗坐四人枱夠曬闊落 個爐放上預先串好嘅串燒就會自動轉 唔使睇火都可以燒出美味嘅食物 啱曬我呢啲懶人呀飲品係自取 有一杯杯嘅自家製無糖茶 非常清新解渴消滯一流可以先叫住一系列嘅炸物邊食邊燒呀 炸餃子同雞軟骨 炸得脆卜卜完全冇多餘嘅油份 非常可口蒜蓉扇貝扇貝超大隻食落鮮甜 加上香濃嘅蒜蓉醬唔錯羊架 塊塊都係厚肉 肥瘦適中超級推廌三文魚腩 個皮可以燒到脆卜卜 入面嘅魚肉仲係嫩滑 加上少少調味粉已經超級惹味必點牛肉片同牛仔骨牛魔王必試呀 bbq爐可以快速地烤到外面香脆 入面鎖住肉汁正