唐包點 (港鐵黃大仙站)

营业中

休息中

一個月總有幾次想懶下，買個外賣就算數😂 方便快捷。今日搭地鐵返屋企，途經哩間唐包點，喺正地鐵站入邊非常方便，而且價錢相當抵食!!章魚肉餅飯 & 魚香茄子飯 章魚肉餅算厚身， 肉汁肉餅加上粒粒嘅章魚香味，章魚同肉嘅比例啱啱好👍 魚香茄子飯亦好香，而且細心嘅將飯同餸分開上，唔會返到屋企已經淋曬。紅豆包 & 香芋包早餐之選😂 其實係我之外間唔時都會買嚟食， 有時一買見熱辣辣就忍唔住即刻開嚟食， 或者第二日做早餐燉返熱佢。入面有軟淋淋嘅夾心。 香芋包係我最愛，有芋泥同埋粒粒芋頭喺入邊，大推!紅豆砵仔糕懷舊小食已經唔係好多地方有，砵仔糕口感 都算唔錯，如果再多啲紅豆就好啦🤣腐竹薏米雞蛋糖水呢個唔係間間分店都有，15蚊非常抵食。 而家嘅中式糖水舖下都二三十蚊先落樓。呢碗腐竹薏米糖水非常之滑，而且夠足料，可以加入必食名單。