串Grill 自助燒烤專門店 (廣華街) (已結業)

小妹近排搵到一間就算你得兩個人👫都可以黎既燒烤店，最最最重要既係串燒食物識自己自轉去燒，食客只需要等，真係坐定定等食就得啦😆😆一坐低店員就會介紹串燒爐既運作同用法、再送上一盤串燒同沙律🥗，俾你食住等😋。串Grill 係以放題形式經營，你可以任點任食任飲2小時，時間完全足夠！🍢🍡 食物雖然種類未算係好多，不過好在豬牛羊海鮮蔬菜樣樣都有齊哂！店家仲有個貼心既舉動🤩寫低哂每樣食材建議燒烤時間，咁就唔怕唔熟或者過熟啦😎一定要試下個和牛牛柳同牛西冷，牛味濃郁而且細細粒一口size 好方便，台面上仲有齊燒汁同其他調味粉等等，食客可以根據自己口味調味。連平時好難燒既鯖魚同多春魚係串燒爐都可以燒到皮脆肉嫩。小妹推薦大家必試棉花糖同雞蛋仔，兩者燒到外層脆脆地，入面軟腍腍咁，作為最後甜品最好不過啦。小妹後悔冇叫多幾串雞蛋仔添呀！PS 記得最後仲有雪糕送添！