巴巴串 (已結業)

觀塘傳統美食工廈駱駝漆大廈原來開左間性價比幾高嘅懶人串燒放題，餐廳分左3款唔同套餐，A餐就任食自助吧嘅串燒、前菜、熱盤同甜品，仲有幾款即叫即做嘅食物。而B餐就加左美國安格斯牛放題，C餐就除左美國安格斯牛之外，仲有埋美國SRE和牛同西班牙伊比利亞黑毛豬放題。星期日至四晚巿黎食都係$238至$298不等，十分超值。今日就同屋企人先試B餐。前菜就有螺、蝦、青口等等。自助吧串燒食物種類都好多，有牛肋肉、牛柳粒、牛脷、雞柳、雞中翼、豬腩肉、豬頸肉、帆立貝、大蝦、多春魚、墨魚咀、丸類同腸類。如果唔想自己燒，仲可以order即叫即燒，有蠔、牛仔骨、羊肉串，全部熱辣辣！而甜品都有雪糕、蛋糕同生果，勁多款式。總括而言，一個價錢食到咁多野，真係超值。