尋晚又喺屋企附近搵食～
咁啱見到呢間裝修好有香港特色嘅小李車仔麵🥰
揀咗推薦嘅河粉底🍜低溫處理過果然彈牙滑身，掛汁超勁！配料揀咗火焰和風叉燒🔥、芥末貢丸🌶️、半蝦雲吞🦐、韭菜餃🥟、入味牛腩🐄、魚肉春卷、沙爹牛肉、豬肚同豬大腸！最推火焰叉燒帶住淡淡焦香，芥末貢丸辣得過癮又彈牙，韭菜餃超大粒爆汁足料！仲可以+$18大大碟是日靚菜！
最加分必屬湯底🥣！原來係師傅用豬骨、雞殼同雞爪慢慢熬製數小時，鮮味濃郁到掛唇～ 揀咗終極全汁，鹹香得宜，配埋自家炒辣汁🌶️，香辣夠味又唔搶食材本身嘅鮮！後來先知道主廚有30年經驗👨🍳，牛雜同好多配料都係每日晨早到店新鮮炆煮，難怪充滿老香港地道風味🇭🇰，食落有溫暖嘅人情味～
兩個人百幾蚊，分量超足！食材新鮮又有誠意，絕對係深水埗美食必打卡清單！鍾意車仔麵同港式地道小吃嘅朋友，真係唔可以錯過啦～ 👍
