雞蛋仔專門店

行開大埔經過發現見雞蛋仔店好多人幫襯，就一於食下。

見有雞蛋仔、格仔餅、冷餅都有多款創新口味，試下無妨，同埋即叫即整需時，都等左十分鐘左右。

芝蔴雞蛋仔 $21
雞蛋仔係原味加了黑芝蔴，粒粒脹卜卜，口感軟棉棉，食落有芝蔴香，味道唔錯。

香橙朱古力花生格仔餅 $32
格仔餅都好軟棉，夾心好濃郁朱古力醬，和好香橙味，仲有花生碎豐富了口感，整體味道唔會好甜，可以一食。

三重芝士冷餅 $32
懐舊冷糕邊位脆身，口感鬆軟，夾心加左流心芝士，芝味令人滿足。

三重芝士冷餅

$32

青蘋果乳酸特飲 $23。
特飲口感清爽，味道清香青蘋果味帶點酸甜，炎炎夏日飲大大杯凍飲係幾正。