影片
更多
2010-03-23
7 浏览
因為住附近，男友話想食放題，咁再去多次食啦！七點左右去到，已經有唔少人，可能大家諗住食上一段時間（1800 ~ 1900，$118 定 $119，另加一）。坐低，即刻叫嘢飲先～男友要可樂，我要橙汁。過咗陣，可樂嚟咗，橙汁無嚟。一問之下，無橙汁喎！（上次嚟又係無橙汁，而且佢哋好取巧，嗰啲所謂任飲嘅綠茶就係入座比你飲嗰種!） 刺身（三文魚、吞拿魚、仿鮑魚）：味道還可 牛肉鍋：啲肥牛肥咗少少 一口牛：好味 燒雞翼：乾到入唔到口 燒冬菇：OK 炸蝦天婦羅：即炸，出晒煙，唔錯 墨魚餅：炸到有啲硬 炸魚：唔知以為食緊麥樂雞飲咗兩杯可樂都係無汽嘅，坐近廚房嘅我哋忍唔住望吓個廚房，發現咗一樣嘢！就係佢哋係用 2.25L 嘅汽水嚟比客飲，擰唔實，走晒汽，唔怪得杯杯都係咁啦！到後來，望到可樂雖然係新開，但佢哋竟然可樂溝埋啲無汽雪碧比我哋。（我哋係叫兩杯可樂）總括嚟講，可以一試嘅。佢哋令我印象最深刻係嗰個派傳單嘅女人，每次見佢佢都好落力出晒聲叫人去食，每次佢派傳單我都會忍唔住同佢攞。仲有睇晒之前啲食評，我覺得嗰個老闆唔係咁差咁惡！第一次見佢，見到佢個樣的確有少少怕嘅，但可能我哋唔讓前唔該後，所以佢比錯嘢我哋
七點左右去到，已經有唔少人，可能大家諗住食上一段時間（1800 ~ 1900，$118 定 $119，另加一）。
坐低，即刻叫嘢飲先～男友要可樂，我要橙汁。過咗陣，可樂嚟咗，橙汁無嚟。一問之下，無橙汁喎！（上次嚟又係無橙汁，而且佢哋好取巧，嗰啲所謂任飲嘅綠茶就係入座比你飲嗰種!）
刺身（三文魚、吞拿魚、仿鮑魚）：味道還可
牛肉鍋：啲肥牛肥咗少少
一口牛：好味
燒雞翼：乾到入唔到口
燒冬菇：OK
炸蝦天婦羅：即炸，出晒煙，唔錯
墨魚餅：炸到有啲硬
炸魚：唔知以為食緊麥樂雞
飲咗兩杯可樂都係無汽嘅，坐近廚房嘅我哋忍唔住望吓個廚房，發現咗一樣嘢！就係佢哋係用 2.25L 嘅汽水嚟比客飲，擰唔實，走晒汽，唔怪得杯杯都係咁啦！到後來，望到可樂雖然係新開，但佢哋竟然可樂溝埋啲無汽雪碧比我哋。（我哋係叫兩杯可樂）
總括嚟講，可以一試嘅。佢哋令我印象最深刻係嗰個派傳單嘅女人，每次見佢佢都好落力出晒聲叫人去食，每次佢派傳單我都會忍唔住同佢攞。
仲有睇晒之前啲食評，我覺得嗰個老闆唔係咁差咁惡！第一次見佢，見到佢個樣的確有少少怕嘅，但可能我哋唔讓前唔該後，所以佢比錯嘢我哋，我哋同佢講，佢都好有禮貌咁換返比我哋。
张贴