正點心 (已結業)

今日同屋企人嚟美孚飲茶，搵到呢間點心專門店，質數同賣相比起酒樓好好多。必試：「露筍鮑魚鳳眼餃」賣相好靚，原隻鮑魚，皮薄...原來配露筍可以咁夾。「金箔鮮蝦餃皇」 外皮好薄好通透，啖啖鮮蝦，好足料。「蟹籽黑毛豬燒賣」聽個名都覺得正，豬肉爽口，大大粒。「秘製醬蒸鳳爪」醬汁真係好惹味，愛食鳳爪一定要試。「鮮蝦腸粉」外皮好煙靭有咬口，原隻解蝦，好爽👍🏻總括今次真係好食又抵食，下午時段$100已經可以揀5款點心，超值超值。環境坐得舒適，店員有效率，媽媽都大讚😋下次要再嚟試吓晚餐小菜。