新興食家 (已搬遷) 新店位置

西環三寶有新中華,卓記,祥香,其實個人覺得新興實力並不下於前三者~是日寒風凜凜,係入冬後最凍一日,趁放假,帶女友去飲下茶,食返個包,橫豎佢又未去過新興~時值中午,好多人,等咗一陣,先喺後巷搵到位,仲要搭檯,可想而知呢度幾多FANS~地方唔算話好大好大,檯同檯之間距離都好近,坐到背貼背絕不出奇;衛生方面就唔好太苛求,比大酒樓或快餐店一定有所不及…不過個人成日有句座右銘:要食好嘢,環境通常都唔慌舒服~一坐低,即刻叫阿姐開壺香片,茶香,不比大酒樓遜色,甚至覺得比某啲大集團酒樓更好~由於瞓醒都未食過嘢,實在太肚餓,於是兩個人叫咗好多點心:1.燒賣- 真係好大粒,咬落去好多肉,大件夾抵食~2.蒸蘿蔔糕- 好滑,好多蘿蔔,好有蘿蔔味,大大件,又唔太粉,都幾厚幾實下,美中不足係落得太多胡椒粉...3.棉花雞- 舊雞唔鞋,一塊大腐皮包住冬菇,魚肚,火腿,雞,大大舊,要拆件食,但味道真係唔錯,尤其舊魚肚&冬菇,無得頂~4.豆苗餃- 蒸得唔錯,新鮮熱辣,女友至愛,好多餡,好多豆苗5.鮮竹卷- 一籠三條,餡多&靚,最好係個汁唔杰,而家出面好難食到6.金錢肚- 都好多肚,唔難咬,幾淋,係鹹咗些少...7.流沙