燒魂 (已結業)

男朋友約我食燒肉放題。今日開始覺得男朋友既taste提升左。第一次見到燒肉放題有刺身食。刺身好似日式放題咁，新鮮又厚切。有刺身食已經好開心。勁多和牛食。全部都係牛。肥牛擺得好靚，見到已經開胃。牛肉既品質係完全無得挑剔。新鮮之餘，肉既彈性同口感全部都屬於高水平。除左牛肉，仲有豬肉放題。豬肉擺得好靚，顏色都睇得出新鮮。燒完既五花腩，肥肉仲沸騰狀態，好好味。欣女好鍾意將肥豬肉燒到好乾身。因為肥豬油乾左特別香脆。豬大腸都有得燒。大腸清洗得乾淨無臭味。水準好高。食完燒肉先發現原來有壽司。不過欣女飽了。食少少壽司就夠。竟然有吞拿魚壽司。左口魚都燒得滑又多水份。壽司都整得好味。今次係欣女食得最開心既放題。食完肉叫個炒菜黎清一清腸胃，perfect！