傷心酸辣粉 (科學館道) (已結業)

尖沙咀咁多餐廳，我地竟然揀左呢間，吾係第一次幫襯，今次好後悔，應該都無下次，越做越差。其實我地食既時間算夜，吾係話多人，但都等左幾耐先有得食個傷心酸辣粉，講起就真係傷心，雖然係bb辣，但食落去無酸味，可以話係無味。我地點左個皇牌2人餐$128，揀左3款小食（口水鷄，青瓜，脆耳）個口水雞零辣度，與圖中紅噹噹既汁，係2樣野黎。另外果兩款，吾洗多講，都係無味，最有味竟然係碟涼拌青瓜入面既蒜頭。叫左杯少甜既凍檸茶，無論點樣篤塊檸檬，又係無味，係叫左少甜姐，唔係走甜喎.... 第一次食酸辣粉係無流鼻水。後尾見到隔離枱同侍應講佢碗野無味，引證唔係我哋味覺既問題。對食物無乜要求既我哋最後都係食唔落，埋單走人，去食宵夜。我入左呢間野之後，就好似完全失去味覺咁，好詭異呀