極尚大瀛喜日本料理

营业中

休息中

極尚大瀛喜一向好評多，最近搬左入元朗， 見到開了分店，就一於同朋友仔試下。除了有壽司、刺身、燒物、鍋物等日式食物外，又可到自助區任取前菜、炸薯格、炸蠔、炒菜、蟲草花煲雞湯等熱食，2小時任食任飲，九點入場收費都係二百二左右，CP值高，價錢平宜！日式放題的重點，當然就是刺身和日式食品了！刺身選擇多，有三文魚、帶子、珍寶蝦和鮑片等，另外單單是壽司也有五六十款， 包括我最喜歡的花之戀、和牛壽司、海鰻壽司和芥辣八爪魚。 另一個吸引的食物， 就是青酒煮蜆，大大隻的花蜆，充滿海水味， 十分鮮甜，加上適量青酒，回味！最欣賞是刺身均厚切大件，頗有口感，新鮮無雪味，大大盤，還有乾冰飄煙，啱影呃Like相！炭燒鱈魚柳和冬菇花膠也是十分美味吸引， 我都encore 了幾次。記得留肚食甜品!有雪糕櫃，共有六款味道。另外還有馬卡龍、朱古力蛋糕和布甸等甜品可任食。飲品亦有不同選擇，兩個大雪櫃內有極齊全的汽水和果汁，又有樽裝茶和韓式飲品，另外亦有沙冰、果茶等飲品可供選擇。