壽司翔太 (已結業)

今日提早慶祝老公生日飯， 所以專登揀咗呢間幾有特色嘅日式餐廳。 門面看來高貴大方， 霸氣十足，仲好有日式風格。內裏裝修簡單得嚟帶點優雅和舒適， 座位也不多， 想食之前最好先預約呀! 師父會把你要食嘅壽司放係你面前既碟上，然後慢慢等你食完一件又一件， 每次都會幫你抹乾淨隻碟再上另一件壽司， 非常細心，服務一流! 餐具也很精美頭盤係雜菜沙律， 蔬菜非常新鮮再配上少少千島醬， 非常滋味同時還可以幫助腸胃消化。額外有一碗燉蛋， 燉蛋非常滑， 火候啱啱好， 再配上幾片冬菇， 非常惹味。赤貝壽司， 新鮮爽口而沒有腥味。海膽壽司好鮮甜， 仲要每片海膽都係大大片， 顏色鮮豔， 可惜只能食一件火焰海鰻壽司， 即整即燒。軟熟無骨還帶暖暖的， 再配上少量鰻魚汁， 簡直係絕配。吞拿魚壽司非常肥美， 肥瘦適中， 口感十足。 最後甜品係紅豆雪糕，當中有少量紅豆，唔會太甜。 咁熱嘅天氣食返個雪糕甜品，即時可以降下溫餐牌選擇多， 質素高，價錢非常合理。