Mega-1 (已結業)

今日有好班朋友同我慶祝生日，我地呢班朋友一向都係食開茶餐廳醫肚，今日我地食好d,去左附近新開左一排既呢間美式餐廳。貪呢度地方整潔，有桌球打，不過有人玩緊我地只有睇啦 燒雞翼我地自細鍾意食既，每人一隻雞翼咬下先，熱辣辣又名香脆。跟住係食海鮮蕃茄龍蝦汁意大利粉。意粉煮得剛剛好，而味道都有海鮮味既，由於我地幾個男人仕，每人食一啖已經食哂整碟喇。我地再點左兩款pizza，明太子雞翼就食得多，今次要試下食明太子pizza。入面有鮮蝦既，pizza餅烤得脆脆地，加上明太子味道濃郁，蝦肉都算新鮮爽口，ok既。另一款又係重口味既鰻魚pizza。甘樣食鰻魚我就比較少，都幾得意。入口味道當然係有好香又鮮既鰻魚鮮味，加入芝士一齊食，新口味，都夾既。好在呢度有酒飲，試左呢度既手工啤，味道非常特別，新口味道，帶甜香味，新奇。當然有飲我既至愛啤酒1664，吾該一枝上呀^_^。