影片
更多
2024-02-06
170 浏览
平時食完嘢都冇寫評語嘅習慣，但今次真係要寫一寫，等真金白銀去幫襯嘅顧客唔好懷着期望去呢間餐廳。話說今日屋企人生日，諗住去一間裝修比較靚嘅餐廳食個晚餐。上網睇資料介紹呢間餐廳，就諗住去試一下，點不知中伏，遇到個態度極差嘅服務員，就所謂經理。破壞晒我同屋企人食嘢嘅心情，真係唔明白個老闆點解會請個咁有質素嘅人做經理，唔講唔知以為佢就係老闆。黑面、態度差、語氣差，唔耐煩，及耳仔十分之唔靈敏，每落一樣嘢都要我重複幾次，落個單好似同佢嗌左場交咁🙈。首先入到去個環境都叫OK，音樂好聽，但啲枱好細張，座位又好窄，坐得唔舒服。之後就遇到個黑面嘅經理，個態度俾人覺得佢好唔耐煩，自問我都唔係一個冇禮貌嘅人，唔該前唔該後，你同我喺度玩性格，俾個like你。我屋企人見到佢咁串想出聲，但我就話今日生日唔好為咗啲無聊人影響心情，就當係遇到個傻嘅🫠，只不過成晚食飯嘅心情都冇晒，相都冇影多幾張。去到差不多食完主食，我地傾緊偈，飲緊酒嘅時候，佢就開始趕客mode，兩次定三次過嚟問我哋係咪上得甜品，我屋企人忍唔住問佢你地係咪要閂門喇（嗰時係晚上九點），佢話唔係，我就同佢講如果可以上我再叫你啦，佢先冇再嚟煩我哋。餐廳嘅食物只
首先入到去個環境都叫OK，音樂好聽，但啲枱好細張，座位又好窄，坐得唔舒服。之後就遇到個黑面嘅經理，個態度俾人覺得佢好唔耐煩，自問我都唔係一個冇禮貌嘅人，唔該前唔該後，你同我喺度玩性格，俾個like你。我屋企人見到佢咁串想出聲，但我就話今日生日唔好為咗啲無聊人影響心情，就當係遇到個傻嘅🫠，只不過成晚食飯嘅心情都冇晒，相都冇影多幾張。
去到差不多食完主食，我地傾緊偈，飲緊酒嘅時候，佢就開始趕客mode，兩次定三次過嚟問我哋係咪上得甜品，我屋企人忍唔住問佢你地係咪要閂門喇（嗰時係晚上九點），佢話唔係，我就同佢講如果可以上我再叫你啦，佢先冇再嚟煩我哋。
餐廳嘅食物只係一般，擺盤靚，但個味道真係好一般。最多只係用嚟打下卡，呃下like，但係絕對唔會介紹朋友去。呢間餐廳真係冇take two，老實講，你收緊咁嘅價錢同加一服務費，唔係俾啲咁嘅服務客人麻。埋單$4000，今次真係貼錢買難受。
最後，雖則個經理真係好差，食物都只係一般，又唔係平，但係有一樣野要讚，嗰度有位年輕服務員Fung，態度好好，佢做嘢認真有禮貌，叫做中和返嗰個經理。
餐廳經理送我哋咁難忘嘅大生日俾我哋，禮尚往來我送返個724個字嘅評語俾你🙃。
张贴
