瀛喜日本料理 (已結業)

慶祝生日，又食放題😂我地一行五人去到，因為已經預先訂座，所以好快就已經安排入座。但入內既位置略嫌細，如果張檯大d就會更加好，可以一次過放多d野食啦！等左冇耐，野食好快就到啦！首先就係一個魚生刺身拼盤，冇唸到個拼盤入面既食材都非常新鮮，尤其是海膽。好少放題既海膽係做到咁鮮甜既，所以我地之後都有不斷叫佢既海膽，因為太好味啦！其他刺身好似三文魚、吞拿魚都係又厚又新鮮，質素係意料之外既高。而佢其他既食物例如炸物烤肉既質素都非常高，我地不停叫野食，真係叫到冇位擺😂😂😂羊架好juicy又唔穌，推介👍🏻除外刺身，佢地既手卷同壽司都有好多唔同既選擇，其中最推薦炙燒三文魚壽司，又香又大件。佢地既芝士焗扇貝又大隻，濃郁既芝士再加上啖啖肉既扇貝，又係一樣會令人係咁叫既食物！仲有就係佢個芝士年糕，又脆卜卜入面又軟林林，鍾意食香口野又鍾意食芝士既人一定會愛上。總括黎講，我覺得依間餐廳既環境未必最好，但食物選擇多，而且魚生刺身都非常新鮮，係一次唔錯既放題體驗！