泰妹餐廳 (The Wave) (已結業)

阿女問我今個母親節想食乜？同時又是阿女嘅我也要為阿媽慶祝母親節。有諗過去大尾督食泰國菜，怕我阿媽搭車辛苦改去觀塘區；阿女上傳幾間食店給我選擇，我即時上openrice 看食評，最終揀左：「泰妹」。「泰妹」位於工廠大廈內，大大嘅招牌站立於餐廳門前，格局尚算整潔。我們選擇4人餐：望著奶白香濃嘅椰子雞湯好大鍋，味道不錯，飲落似錯版嘅冬蔭功湯只差重重紅油辣椒、燒烤小食併盤不錯、泰式生蝦刺身，蝦好大隻可惜我不太食；「原隻無骨海南雞」放上枱時巳好吸晴，色澤金黃，肉質嫩滑，油而不膩，是我勁推介；至於「菠蘿海鮮炒飯」蝦又多又大隻,配料多多真係不錯；泰色甜品味道一般。阿女真係好介紹，食評也公道。我們一家都好盡興，如果10分滿分我比7分，在工廈内主打平民菜式，廚子能烹調出美味嘅泰國菜，真心認為不錯。