悅軒海鮮酒家 (已結業)

臨近母親節，唔想咁多人同人迫，就簡左黎呢間酒樓食，因為之前老細請左我地幾個同事黎呢間食，食完都覺唔錯，所以我簡返黎呢間食，而且呢間有團購買，有優惠買2送1優惠，最後簡左3 小時*頂級龍蝦海鮮蒸氣鍋+粥底火鍋放題。首先，佢會俾張點海鮮既紙俾你簡，但有限數量既，上面部分三選一，下面則選5樣，同一台要選一樣，唔可以每人簡唔同，有好多海鮮可以簡，最後我簡左龍蝦同埋以下既扇貝，呢度職員都唔錯，佢會同你講每樣海鮮需要蒸既時間，不過佢地好忙，要叫兩三次先得閒招呼我地。蒸完之後，佢拎走果塊鐵板，就變左粥底打邊爐，呢度就任點，而飲品都係任飲，最後仲有甜品食。